| lyric | 1. De Schleedorn blüeht, es isch e Pracht!
Lueg nu, meinst grad, ’s eig Schnee.
Und das isch cho so über Nacht,
kän Mänsch hät öppis gseh.
Wie hämmer planget uf ie Zyt
wo alles wieder grüent;
wo d’Bächli wieder ruusche tüend
und ’s Finkli wieder singt!
2. Wo’s nu so summet i der Luft
vo Chäfer gross und chli;
es Lerchli wit im Ätherblau
sich freut am Sunneschy.
Wo d’Liebi chunnt is Mänschehärz
und ’s froh und glückli macht
und us me jede Meitligsicht
eim d’Freud engäge lacht.
3. Wo alles wider isch wie neu,
vergässe Iis und Schnee,
da tuet au ’s Herz en tüfe Schnuf
und hät kei Heiweh meh.
Es chan ga nümme trurig si,
wänn’s all die Blüemli g’seht.
Wie wär doch ’s Läbe gar so trüeb,
wänn’s nüd en Früehlig gäb. |