| lyric | 1. Hoscho! Eisi, la mi yne,
es macht nüsti grüsli chalt.
Lueg wie d’Sterne heiter schyne!
G’hörst du! ’s Huri schreit im Wald.
Benzi gang mer ab der Byge,
los! der Ringgi bellet scho.
We mer jetz nit gleitig schyge,
chönnt is d’s Müetti drüber cho
2. ’s Bott i gah jetz nit da dänne!
Mira syg dys Müeti da!
Was het es da drüber z’gränne?
’s het der Att a yhe gla.
Nei, gang doch zum Fäister abe;
i cha di nyt yhe la!
Chumm du de am Samste z’ Abe,
de ma’s notti faust aga!
Eisi bis doch nit so g’späßig!
Was ha-n-i dir z’wider tha?
Angri MAhl bist nit do hässig.
Mira! I cha wieder ga.
Nu so de! So chumm de-n-yne!
Nume hübschli! süferli!
Aber bis mer grüüsli fryne,
süst bist z’letzt Mahl by mer g’si. |