| lyric | 1. No geschter het's vor üserm Hus
es mächtigs Bouquet gha.
Doch e myn Troscht, dä Birebaum,
Wie schtoht-er jetze da!
Es Hagelwätter, grossi Not,
was git es doch für Sache!
Doch wär weiss, glöingts dem liebe Gott,
no öppis Guets drus z’mache!
2. U was ischt mit däm Meitsche ächt,
wo dert am Brunne schtoht?
Grad liest’s im Brief vom Meischterchnächt,
dass är in’s no verlot.
Dr Liebesgram, o grossi Not,
was git es doch für Sache!
Doch wär weiss, glöingts dem liebe Gott,
no öppis Guets drus z’mache!
3. Zwöi eltri Lütli sy am Tisch
mit Gsichter trüeb und hert.
Was da ächt wieder g’gange-n-isch?
Es liege Schärbe dert.
E leid’ge Schtrytt, o grossi Not,
was git es doch für Sache!
Doch wär weiss, glöingts dem liebe Gott,
no öppis Guets drus z’mache! |