| lyric | Wüßt wohl äs Beeri neimewo.
Äs jedes Gof macht vor em ’s Chrüz.
Äs mueß im Holz dounne stoh.
’s ist wie sy Auge, dunkelblo.
I gohn em no, i gohn em no!
I lauff em no; ’s ist gleitig gschlukt.
D’Lüt säged jo, ’s syg süeß wie Biemst
Und nohar miech’s eim fulverrukt.
Dä gspürti nümme was mi drukt;
Dä zäpf di, Härz, d’Seel ist vertnukt.
O Muettergottes stömmer by,
Und deked mi mit üe Schoß!
Es hät mi pakt. Sind wider fry!
Dä mueß ’s au Üserherrged sy.
Und gälted he, är chunt mer gly? |