| lyric | Höich obe uf dä Gröitte
Gönd d’Näbelfraue um.
Dr Biswind hät ne noe,
Verzusled ihri Hääre
Mit sym groblachte Strähl,
Si flütt’red um all Roße,
Und stübed eis wie Mähl.
O Heiland, liebe Heiland!
Es dimm’red überi.
Und d’Näbelfraue schlyched
Verschmäukt am Bärg no abe,
Gönd lysliger as Reh;
Hend dpSchwermuet uf dä Gsich’re,
Hend ihri Schöiß voll Schnee.
O täted s’ es ai lääre,
Verschüttle über d’Weid!
Dä müeßt’s my Jäger gwahre.
Und chämt r, sprungi gäg em.
Weiß wohl, es wär ä Sünd.
Glych, ’s hät jo jedes Schnäggli
Und ’s Müggli au sy Fründ. |