| lyric | Wie nüechteled's im Hüttli!
Es chlumm’red mi a d’Händ.
D’Wellgrueb ist tod und läär;
Keis Spöindli hät’s meh dri.
Voll Ryffe sind all Wänd.
Ufs gliger wili pleg’re.
’s Laubbettli ist au chalt.
Es frürt mi zringelume.
Und ’s goht ä räße Bys
Dur jede Chlack und Spalt.
Wie dunkel isch do inne!
Beit, more heit’reds scho.
Wän är nu zytli chunt!
Es ist se bißig chalt;
D’Sinn wemmer schier vergoh.
Wäni sy Stimm vernime,
Dä taui tifig uf,
Wie d’Bäch im warmme Wind.
Und d’Juzer i mym Härz,
Wied d’Fischli gumped s’ uf. |