| lyric | O Hüttli, lützels Hüttli,Wie bist au hüt se hert.
Und häst jo myni Liedli
Dr ganzusländig Summer
Verno und s’Juppedihee.
Und jetz losch inepfuse,
Und bettist mi i Schnee.
Und häsch au chönne gwahre,
Wien är äs Stägli but,
Mich hät lo ufestyge,
Und lo i Himel luege.
Wie lang? O, wäni’s wüßt!
Es git je doch keis Sänkbly
Wo d’Säligkeit usmißt.
Cha sy, ä Tag, äs Stündli,
Cha sy, ä Juzer lang.
O Hüttli, nütigs Hüttli,
Wie tuest du d’^Nacht hüt streke;
Wie wän im Schwarzwaldzyt,
I Üserherrged Stube,
Dr Zeiger wär verhyt.
O wäri au äs Härli,
Wie putzti ’s Hüttli us!
Wett subersalls vergulde.
’s Chopfschüsseli blöiß miechti
Vo Sammed lind und rot,
As är nüd z’gleitig merkti,
Wie’s Bäggli mir abstoht. |