| lyric | Was wispred det im Winkel,
Was flismed und’rem Bett?
Härdmandli, chönd nu vüre!
Dr müend jetz nümme früre.
I han äs Füür agmacht.
Dr chönd drumume tanze
Die ganzusländig Nacht.
Jetz äntli chunt’s guet Wätter;
Jetz chönd die warmme Wind.
D’Weid hät si überzoge,
Äs wien ä Rägeboge,
Mit blueme allerlei.
D’Blomöiseli, all Vögel,
Gottlob, chönd wider hei.
Jetz wetti eis goh tanze
Is Chünge guldi Schloß.
Chöt ich nu d’Schüehli gfinde!
Jetz säged alli Chinde
Ä Jäger heig mers’ gno,.
Dörff dur die guldi Stäge
Nüd barfueß ufegoh. |