| lyric | Es schneit und schneit syt Tage.
Gly wird e Schittbahn sy!
Jez mag i nümme gwarte,
I hau vom Späck e Schwarte
und schmutz my Schlitten y.
Dä mues mer wider laufe
Der Stutz ab … alls vora!
I wetze syni Yse
Und will in wäger wyse,
Wie’s wyt ekeine cha!
Und wernn der Schnee tuet gyre
Und glatt wird, satt und hert,
Do rumplet’s und rumpuuset’s
Do chuttet’s und do suuset’s …
Huu, wie nes Höllegfehrt!
I schnütz dur alli vüre
Und wättere durab.
Das stäubt, das fot a wäje,
(Und diMaitlki tüeje chräje,)
I aber lache drab! |