| lyric | 1. Chume hei us frömde Lande,
luege höch vom Wald i ds Tal:
dunde-n isch mys Dörfli gstande:
Grüeß di Gott, viel tusigmal!
Ha der Aetti bi de Bäume,
ds Müeti gseh im Gärtli stah,
Aetti, Müetti, liebi Heimet,
niemeh will i euch verlah!
2. O mys Ländli, luegsch mi wieder
wie mit lieben Augen a:
füllsch mer ds Härz mit dyne Lieder,
daß i wieder singe ma.
Wasserruusche, dunkli Wälder,
Bärg u Tal im Sunneglanz,
stilli Matte, wyti Fälder
und um alls e Bluemechranz.
3. Allizyt mueß i dra sinne,
wies o schön’s deheime isch,
was du, Heimet, mir im Läbe
für ne Chraft u Säge bisch.
Gloggelüte, Bluemeblüeihe,
gueti Wort vo liebe Lüt,
u derzue-n es heimeligs Liedli,
isch, was mi i d’Heimet zieht! |