| lyric | 1. Vo de Halde, us de Schratte
ruschet ’s Wasser d’Chräche-n-us,
stigt is Tal und lauft dür d’Matte,
grüesst mis Dorf und Vaterhus.
Chum magsch jetz no ’s Rusche g’höre;
lisli geoht der Bach vorby,
wil er jo nid möchte störe,
wo alli Lüt so glücklich sy.
2. Wie han-i das Fläckli Ärde
mit sim stille Friede gärn!
Frömdi Glanz und Flitter wärde
dunkel vor däm hälle Stärn.
Numme-n-öppis tuet mi plage:
„’s Ländli isch so grüsli chly.
Bi der Herrgott scho go frage,
obs ächt nid grösser sötti sy.
3. Und i g’ hör ne jetz no mahne:
„Bis doch gschyd und schick di dry!
Oder möchtst e grosse Name
und es chlyners Glück derby?“
Neizue bin i wunschlos zfriede
’s Stägli ab und d’Wulkewand
und ha dänkt: „Es isch dört niede
doch nüt so schön wie ’s Schwyzerland. |