| lyric | Wie isch es schön am Zürisee,
wänn d’Sunn am Himmel staht
und fröhli ihres Glitzergold
ufs Wasser fale laht.
Und wenn i Bluescht und Maiepracht
s’ganz Ufer wie-n-en Chranz
eim us em Waser widerschynt
mit allem Sunneglanz.
Und wenn zum blaue Himmel
höch die Berg mit ihrem Schnee
und all die grüene Hügel
au ufstyged ob em See.
S’ist wie-n-es Stückli Himmelrych,
so dänk i i mym Sinn,
und ich, säb ist no s’allerschönst,
bi sälber zmittet drinn. |