| lyric | 1. Dr Ätti dä sitzt uf em Gängelischtei
mit syner lange Pfyfe.
Dr Räge dä isch ihm einerlei,
ds’Gras nume besser rafe.
Ref.: Dänglet, dänglet muess hüt sy,
ds’Wätter ändret mängisch gly.
2. Wie tönt üsem Müeti das Dängele da,
wie Musig i de-n-Ohre.
Äs het’s äbe g’hört, s’yts dänke cha,
isch es doch ufem Hof gebore.
3. U d’Gofe, die luege dem Dängele zue,
wie d’Sägesse wird gschliffe.
Dr Eltischt, dä het doch gar kei Rueh,
bis är’s o grad het begriffe.
4. No Eine, dä freut sech am Dängele-n-o,
dr Bläss dert i dr Hütte.
Är schmöckt, dass dr Heuet jetzt muess cho,
hüt mag’s no chly abeschütte. |