| lyric | Wach uf, Schwyzerland!
Voll Glanz und unverborge
chunnt jetz im Purpurgwand
dür d’Weiden ab e schöne Morge.
Us Nacht und Plag
wach uf zum Hoffe
lo Tür und Härz wit offe
em Sunnetag.
Im Tauperlegalnz
lit Wald und Fäld
e traumschöni Wält
im Firnechranz.
Wach uf und vertrau!
Die dunkle Schatte sinke
und höch im Aetherblau
gsesch sieghaft stolzi Firne winke.
Und wit und breit lit Glanz
und Sunne uf jedem Bach
und Brunne es Silberschmeid.
Wach uf, Möntschehärz!
Us bangem Gram und Zage
lueg muetig himmelwärts
is Morgerot, es fat a tage.
Und treu im Bund mit allem Schöne
lo froh dis Lied ertöne
us tiefstem Grund. |