| lyric | 1. Guet Nacht! De Tag isch fascht verbi.
Lig ab und lass jetzt ’s wärche si.
Vom Wald blast lis en chüele Wind.
E Muetter rüeft: Hei cho, mis Chind!
D’Schafherd gaht dur de Näbeldunst.
D’Sunn sink i ihri eigne Brunst.
De See hät d’Silberchetti um.
Und wieder rüeft e Muetter:
Chum! Hei cho! Hei cho Chind!
Und ’s isch grad so,
als rüefts us allne Büsch: Heicho!
2. Guet Nacht! Es dunklet hinderem Hus.
En alte Wandrer gaht curus,
und näbed ihm gaht lis de Wind.
E Muetter rüeft: Hei cho, mis Chind!
Er ghörts und dänkt: En alte Klang.
Und ’s Echo flüschtrets na vom Hang.
In Näbel luegt er still und stum
und wieder rüeft e Muetter: Chum!
Hei cho! Hei cho Chind!
Und ’s isch grad so,
als tönts us allne Büsch: Heicho! |