| lyric | 1. Es stohd es Hüüsli z'hinderisch
im liebe Alpetal.
Es Chind, wi deet eis z’finden isch,
das g’sehsch nid überall.
’s hed bruuni Äugeli wi-n-es Reh,
zwee Zöpf us Sydeflachs!
Das härzigst Scnörrli, wo’d channst g’seh,
es Gsichtli bruun wi Wachs.
O du mis Ländermeiteli!
Tue doch nid gar so schüüch!
Es wär dis chliine Chämmerli
für mich es Königriich!
2. E Maibaum winkt im Sonneglanz
vom Wirtshuus höch am Wald:
deet füehr i dich zum Aelplertanz,
zum erste Walzer bald.
E Chilbichrapfe uf-em Huet,
es Chrüegeli süesse Wii!
Was uf d’r Wält isch doch so guet,
was chönnt ne schöner sii!
O du mis Ländermeiteli!
Tue doch nid gar so schüüch!
Us diine AUge nur e Blick,
wi wär i doch so riich.
3. Zieh du e Ländler, Musikant!
Jetz hend de d’Meitschi d’Wahl!
Doch gid me Liebste mir ni d’Hand,
so goh-n-i us-em Saal.
Und sett si mit eme-n-andere gah,
so weiss i, was i tue!
I reise nach Amerika,
de hed mis Härz de Rueh.
O du mis Ländermeiteli!
Tue doch nid gar so schüüch!
I be-ne- arme Buurebueb,
dochläbi nur für dich.
4. E Buurebeub, das wär scho rächt;
doch zu me Königriich
bruucht’s meh als e Mälerchnächt,
doch wär’s am Aend je gliich.
De wenn du mit mir huuse wtt,
g’hört üs die ganzi Wält!
Im Himmelriirch hend d’Aengeli
au keis e Rappe Gäld.
O du mis Ländermeiteli!
Tue doch nid gar so schüüch!
Jetz hemmer de uf Aerde
scho es chliises Himmelriich! |