| lyric | 1. De Maie isch e Molerg'sell-e feine!
Und schöner molet miner Seel e keine!
Wenn er die Farbechübel holt,
dir’s eige Ländli übermolt,
so merkisch glii as Früehlig isch;
vo sine Künste de du bisch im reine!
2. De Maie isch e Gärtner aue treue!
Und lauft scho früeh dur Fäld und Au go zweye!
Er huucht uf alli Chnöspli
und steckt es Blüehtechölbli drii.
Uf d’Chriesibäumli z’ringletum
lohd er e Hampfle Blüehteschuum le g’heie!
3. De Maie isch e Musikant-e wiffe!
Und chond der Liedli allerhand cho pfiffe!
Er blost is Holz mit voller Chraft,
bis d’Maiepfiiffe schön im Saft.
De bruucht er mit sim Piifferchor
es einzigs Morgenpröbli nur zum Pfiiffe!
4. De Maie isch e Wunderma-e küehne!
Und chond er, de fohd alles a fo grüene!
O Meia, steck di Zauberstruß
doch au uf eusers Schwyzerhuus!
Es isch dir schiints jo b’sonders wärt,
söst hättisch nid de Sack usglärt wi niene! |