| lyric | 1. Jetz wemmer einisch singe
das Lied vom schöne Schwyzerland;
das söll wi Glogge chlinge
bis höch a d’Felsewand.
De See und Bärge glänzid
und roti Rose chränzid
das grüeni Alpefäld.
Und’s Härz, es bricht is Jublen uus:
Gott schirm das liebi Schwyzerhuus!
’s schönst Ländli uf d’r Wält.
2. Jetz heißt es einisch g’sunge
das Lied vo alter Heldeziit;
wi hend’s di Fähndli g’schwunge
und g’jutzget hend’s zum Striit!
D’r Uri Stier hed brüeled
und mit de Horne gnüelet,
es Brünneli lauft vo Bluet.
Und liid de Find, do tönt’s Juhei!
Si bringid roti Schwärter hei!
Rotröseli am Huet.
3. Jetz wemmer einisch singe
das Lied vo alte Schwyzertrau;
mier wend si wieder dinge
für tuusig Johr ufs neu!
Ihr Bueben und ihr Manne,
ihr stönd wi Wättertanne
so stolz und starch und breit.
Ihr gönd enand di Schwyzrehand:
Mer sind derbi fürs Vaterland!
in alli Ebigkeit. |