| lyric | 1. Es rytet e Ryter wyt is Land,
e Jungknab wott zum Chüng.
Er steckt sim Schatz zum Unterpfand
a Finger a möschige Ring.
Schätzeli hold! Treu wi Gold
will dir der Ryter blybe!
Wenn’d zwyflisch dra,
lueg ’s Ringli a,
tue’s nur es bitzli rybe.
2. Es rytet e Ryter wyt is Land
und wird e Lybhusar.
Er treid es silberigs Trässeg’wand,
s’Barettli im Chruselihaar.
Schätzeli hold! Treu wi Gold
möcht dir der Ryter blybe!
Doch rytet hütt er scho z’säb dritt
und wott ufs Schlößli go wybe.
3. Es rytet e Ryter wyt is Land,
derheime sinnt sis Lieb.
Es g’sehd es ringli a der Hand,
das schynt eso matt eso trüeb.
Schätzeli hold! I gloube, dis Gold
söttisch du es bitzeli rybe!
Es rybt und rybt bis nüme meh blybt
und mueß ledig blybe. |