| lyric | 1. Wenn mer vo der Heimet singe,
dänke mir a Huus und Hei,
gsehnd vor Auge eusi Mueter
schaffe a me gäche Rai.
Gsehnd de Vater Bäumli setze,
z’Acher fahre vorem Hus,
gsehnd e denn de Soome säie,
’s wachst für eus de Säge drus.
2. Wenn mer vo der Heimet singe,
gsehtme Manne hind’rem Tisch,
wie sie sueche, was vor Zyte
alls deheim scho g’gange isch.
Ghöre Manne, wo tüend brichte
vo de Matte Berg und Rai,
wo-n-is singe i de Lieder,
was mir für ne Heimet hei.
3. Wenn mer vo der Heimet singe,
meine mir nid blos chli Land,
mit me Stückli härte Bode
undre graue Felsewand.
Nei, mir gsehnd es Buech voll Bilder,
eis gar schön zum andre gelit:
Wer im Heimebuech cha läse,
gseht die ganzi Ewigkeit. |