| lyric | 1. De Summer schweht sis Fähnli,
’s isch Alperosezit.
Lueg, wie de füürig Teppich
uf all’ne Pört’re lit.
2. Er deckt die gache Halde,
die brune Pösche zue.
Er gahd de Walde naae
duruf vo Flueh zu Flueh.
3. Und zieht en junge Bürschtel
mit Sack und Pack durus,
er treid am Huet es Rösli
und i der Hand en Struus.
4. Er singt derzue es Liedli
zum Herdegloggeglüt:
Wie schön isch i der Heimet
um d’Alperosezit. |