| lyric | 1. No bisch es Buech mit lääre Syte,
u niemer het dry gschribe,
i schrybti gärn als erschte dry,
e Spruch, wo dr söll blybe.
Ke Zierschrift u ke Firlefanz,
wüll dä Spruch, won i hätt,
sött klar u eifach drinne stah,
fasch so win es Gebätt.
Ref.: Gib mer Ouge, wo chöi luege,
I wett meh als nume gseh.
Gib mir Ohre, wo chli lose.
We me lost, de ghört me meh.
Gib mer Flügel, wo mi trage,
sowyt e Troum eim treit,
un e Stimm, wo für all die Wunder
ab u zue mal Danke seit.
Gib mer Füess, wo chönne loufe,
u Gedulud mal blybe zschtah.
Gib mer Händ, wo chöi begryffe,
we dr Chopf nümm nachema.
Gib mer Flügel, wo mi trage,
sowyt e Troum eim treit,
un e Stimm, wo für all die Wunder
a u zue mal Danke seit.
2. Am Afang chasch no nüt derfür,
was i dym Büechli steit,
ersch i dym Büechli steit,
ersch nadisna übernimmsch de ds Stüür
u seisch, wo’s düregeit.
Sägisch mal ganz hert am Wind,
de blettere zrügg u schla wider mal
di erschti Syten uuf. |