| lyric | Bube tüe nid briegge, nei, das ghört sech niid,
di junge Seele gfroore u d Gfüehl i Reih und Glied.
Drum hei si nie glehrt truure, drum fallt's ne o so schwär
u we si mal wei truurig sy, de blybe d Ouge läär.
Manne tüe nid briegge, wülls Buebe nie hei ta,
fieng eine afa hüüle, 's wär doch ke rächte Ma
u wüll si nid chöi truure, isch d Wält sit si beschteit
voll starchi Manne ou wenn derby di Wält zum Tüfel geit.
Präsidente tüe nid briegge, so eine wär e Clown,
e Staatsvertrag mit Träne druff, das wär gäge d Staatsraison,
drum chöi si no so wölle, es het jja glych ke Zwäck,
am guete Wille fähltis niid, nume am Härz ufem richtige Fläck.
Soldate tüe nid briegge, ja, wäri das es Ding,
fieng eine anstatt z schiesse, afa gränne wienes Chind,
drum flüge Bombe no immer u d Wält blybt wi si isch,
wüll d Manne ersch chöi truure, we dr Zug scho gfahre isch. |