| lyric | 1. Bim Herr Tiräkter im Büro, do stoht si uf em Tisch
si isch trotz ihrem Alter gäng no zwäg und geistig frisch
Si isch de Stolz vo däm Betrieb, und da hät au sin Grund: d'Schriibmaschine Kunigund
die schriibt sich d'Taste wund !
Ref. (gesprochen, rythm. Maschinengeklapper)
Sehr geehrter Herr Direktor, bitte nehmen Sie unsre besten Grüsse, und die tiefste Sympathie
2. Doch d'Kunigund isch plötzli chrank, me gseht da zimmli glii
es muess im Farbband irgendwo e Bänderzerrig sii
Es tuet're alles weh, si goot zum Tokter, und dä seit:
Luegepmer die Sach mol aa
etz säged Si mol AAA
Ref. Sahr geahrter Harr Daraktar ....
3. Und d'Schriibmaschine Kunigund, die chlagt im höchste Ton
am meischte gspüür ich d'Schmerze do bim grosse Ypsilon
Ich bringe chuum meh d'Taschte ue, da goht doch nid eso
De Tokter seit, da chunnt devoo
etz säged Si mol 000
Ref. Sohr georter Horr Doroktor
4. Herr Tokter, seit do d'Kunigund, wa mich vor allem hämmt
isch, dass im tümmschte Augeblick es grossi CK chlämmt
Me cha doch ohni CK nümme froh und heiter sii
De Tokter seit, ich gseh da ii
etz säged Si mol lll
Ref. Sihr geihrter Hirr Diriktir
5. Herr Tokter, s'isch do nones Übel, allerdings en alts
wänn ich am Morge ufstoh - biists mich under miner Walz
Ich ha fascht gar scho Angscht, seit d'Kunigund, ich hegi Flöh
De Tokter seit, da isch nid schöö
etz säged Si mol ÖÖÖ
Ref. Sör geörter Hörr Döröktör
6. De Tokter seit, zum Chranksii gits en Huufe ernschti Gründ
wa Ihne fählt, Frau Kunigund, da isch en feschte Fründ
Etz lueged Si sich eifach mol im Büro e chli rund
Wänn d'Liebi under dTaschte chunnt
dänn isch me wieder gsund ! |