| lyric | 1. Chlyni Truckli, dert im Grüene,
chlyni Truckli, gmacht us tygi-tagi,
chlyni Truckli, chlyni Truckli,
chlyni Truckli, alli glych.
Es het wyssi, u’s het bruni,
teil sy gälb u teil sy vygolett,
u sy alli gmacht us tygi-tagi,
u sy alli, alli glych.
2. U die Lüt i däne Truckli,
die sy alli a der Uni gsy,
u dert het me se i chlyni Truckli tah,
si sy use cho, alli glych.
Es het Tökter u Juriste,
Presidänte vo Verwaltigsrät,
u sy alli gmacht us tygi-tagi,
u sy alli, alli glych.
3. U-n am Samsti spiele’s Tennis,
u denn sufe’s e Martini Sec,
u denn hei sy chlyni Chinder,
u die Chinder, die göh i Schuel.
U die Chinder, die göh i d’Pfadi
u später a d Universität,
u dert tuet me se i chlyni Truckli,
wenn si use chöme, sy si glych.
4. U der Suh, dä stygt i ds Gschäft y,
het e Frou u wenn’s ihm passt zwöi Chind,
u die boue neui Truckli,
gmacht us tygi-tagi, alli glych.
U de schrybe si ihres Testamänt,
u de treit me se-n em Friedhof zue,
u me leit se i chlyni Truckli,
gmacht us tygi-tagi, alli glych. |