| lyric | 1. Es isch ohni Zwiifel klar: s'git ein Tag im Zürcher Jahr,
ja, da findet d’Zürcher Züri sogar glatt.
De Sankt Peter leit sich daa siini schönschte Fähne aa
und de Üetliberg hätt Freud a sinre Schtadt.
Me chan am Limmatquai vergnüegti Mänsche gseh,
wänn de Zöifer zu de Marschmusig marschiert.
D’Chind g’sehndd’Vätter paradiere
S’Mami Bluemestrüssli rühre
und am Bellvue wird de Holzstoss prepariert.
Wänn de Böög verbrännt wird’s Frühlig!
Dänn verwached Züri us em Winterpfuus.
Wänn de Böög verbrännt wird’s Frühlig!
Und am Züriberg schländ d’Schlüsselblüemli uus.
Wänn am Sächsilüüte d’Glogge sächsi lüütet:
Weii en ejde Zürcher gnau was das bedüüted:
Wänn de Böög verbrännt wird’s Frühlig!
Z’Tüüfebrunne, z’Wollishofe, i de Klus.
2. S’griift eim jedesmal a d’Seel
tramped s’Kämbel-Zouft-Kamel
dur d’Bahnhofstrass uuf wie diheim im Zoo.
Und wänn Wiedike und Hard mit de Wäge dure fahrt
isch scho mängem ganz versteckt
es TRänlichoo
De Wegge hoch zu Ross
und d’Metzger mit de Schoss
plus au d’Schniider Hottiger, etcetera.
Schtaut sich dänn am sächsi d’Mänig
über Quaibrugg bis id’Ängi fangt de Umritt
vo de Riitergruppe aa. |