| lyric | 1. Ool Petrus seet am Himmelsdohr
so miesepeterich,
he harr den Snupp’n, he weer verkeult,
dat Door weer nich recht dicht.
Un’s Heergott keem, seeg em dat an,
verschreef em Medizin
unseggt, mien Jung, so nimm du man
’n poor dücht’ge dor von in.
Ref.: Lütt, beet’n heet Woder un recht velle Rum,
denn twee Stück Zukker un denn röhr um,
so’n recht bet’n nördlich, so’n recht bet’n stief,
dat regt den Geist di an un warmt dat Lief.
2. Ool Petrus neem denn richtig ok
so’n orndlich Quantum in,
dor wör he beter glieks to Weg,
un gor so licht to Sinn.
He sung un fleit in eene Tur,
wör lustig op eenmol,
he seggt, dat is ne feine Kur,
de mutt no de Eer hendol.
3. So kööm de Krom denn of de Eer,
de Chronika het schrev’n:
Wiel uns ool Petrus Seemann weer,
het he’t de Seelüüd gev’n.
Sietdem, wo zünft’ge seelüüd sünd,
dor heet dat jedesmol:
Lat uns mal’n lütten Waremn krieg’n,
de geit so glatt hendol. |