| lyric | Chatrina vess tant bels öglins
e lur ün cour, ün cour ma;
Nesa ha ils marendhins
a quala dess el tour?
Chatrina, nöbla in seis far,
es dutscha sco il meil.
Mo Nesa racra, voul spargnar,
es noscha sco il feil.
Sco l’asen tanter duos tocs fain
stun qua a patir fom,
nu sa chenüna chi cunvain —
o femnas dal malom.
El stübg’invia ed innan
che mâ chi füss il megl ...
Uschè il pover tamberlan
es gnü ün giuven vegl.
Perquai ma tscherna fetsch subit,
Chatrina dà’m il man
e Nesa po cun raps e fit
far nozzas cul plavan. |