| lyric | Chatrina giaiv' ün di a spass
cun seis amarus rusa Talur,
el giaiv adüna cul cheu bass,
mo ella laiva far l’amur,
far l’amur, far l’amur,
cha’l diavel porta il tuschander,
il tuschander, il tuschander,
cha’l diavel porta il tuschander, il tuschander.
E cur chi d’eiran sul sulets
spordschaiv’el coccas d’ün s-charnütsch,
ma ella vess gnü gronds dalets
sch’el tilla vess be dat ün bütsch.
Cha’l diavel porta il tuschander …
Cur chi rivettan aint il god
dudittan musicants sunar,
i d’eira grond tramagl da sot,
ed ella jent vuless ballar.
Cha’l diavel porta il tuschander …
Qua gnit ün giuven frais-ch e fran
e tilla fet ün cumplimaint,
tilla pigliond intuorn il flanc
a far la trais-cha l’invid’aint!
Cha’l diavel porta il tuschander …
La clarinetta dà il tun,
i van intuorn be sigl e spüf,
ed implantà es tschel minchun
chi po spettar fin ch’el vain müf.
Adieu, sta bain, meis vegl tuschander! |