| lyric | Duman chi'd es dumengia
vögl a la fin ris-char,
dad ir pro giunfra Mangia
at’illa dumandar.
ll pled d’amur eu vaiva
imprais uschè baìnin,
quel inavant savaìva
ed inavo perfin.
Fond üna gronda storta
rivet davant sa chà.
Planin drivit la porta
lura clomet: Holla!
Sün üsch ch’ell’es rivada
meis pled eu laiva tour,
ma tuot in üna jada
n’ha tschüf il battacour.
Meis pled in quell’anguoscha
eu vaiva invlidà.
Lur’ant ch’ell’am cugnuoscha
n’ha tut e sun passà.
Passà our da sa porta
am impissond alur’:
Mo schi cha’l diavel porta
las femnas e l’amur. |