| lyric | Id eira üna vouda ün chastellan giò Tschlin
l’orrur e la schulozza dal sao fiminin.
Seis debel lira quel, cha per avair
’na schocca el ’vess laschà la pel.
___
l d’eira üna vouta ün chastellan giò Tschlin
l’orrur e la sculozza dal sexo feminin.
Seis debel, seis debel, seis debel d’eira quel
cha per avair’na schocca el vess laschà |a pel.
Ün di, tuornond da chatscha, per cas ha’l inscuntrà
’na bella giuvintschella suletta sün ün prà.
il diavel, il diavel, il diavel il tantet;
cun tschera riantada el seis chavagl fermet.
O chara giuvintschella! Nu fessast il plaschair,
be ün mumaint pudessast bain meis chavagl am tgnair,
i’m para, i’m para, la disch il chavalier
cha mia povra bes-cha ha güsta pers ün fier.
La giuvna in sa temma, nu das—cha dir da na,
dà man a las mastrinas, ed il signur schmuntà,
fa finta, fa finta, fa finta da guardar,
la disch alur’: Per paja, meis cour t’lascha branclar.
La matta disch: Anguoscha, schi vess da gnir meis frar,
schi a meis bap dal sgüra, el gess tuot a quintar.
Schi giaina, schi giaina, la disch il bel utschè
be sü per quella senda, chi main’a meis chastè.
Eu gniss gugent avuonda cun ün signur sco el,
mo scha meis frar ans vezza, schi povra nossa pel.
Ch’el fetscha, ch’el fetscha, ch’el fetsch’il bain dad ir
sü per quel bös-ch a vaira, ch’ingün nu saj’in gir.
Il chastellan apaina sül bös-ch s’avet plachà,
schi sül chavagl la matta, our da la puolvra s’fa:
Pür guarda, pür guarda, pür guarda bain meis merl,
ün grond signur, qualvoutas, es eir ün grond tamberl. |