| lyric | Eu sun il leger chantadur
e chant cun la guitarra
eu lasch il led e la dulur
e chant d’algrezcha e d’amur,
da la marusa chara.
Da meis chantöz ha gnü plaschair
glieud giuvn’ ed attempada;
perfin ils paders da Müstair,
quels han stuvü ’lair o nu ’lair
eir dar üna risada.
E cur cha’l sach da ma nardà
suspüra da vaulezza,
eu lura tuorn darcheu a chà
e scriv cun seriusità
il text per ma gazetta.
Passaint uschea di ed an
e stun da buna glüna!
E cur ch’eu sun darcheu sül chan
pigl ma guitarra aint in man
e fetsch sü amo üna. |