| lyric | Suvent as vezza ün chi's craja
d’essez, sgür sa’l Segner che,
ma schi’s guarda bain daspera
es que be’na testa d’vdö;
eir sch’el’s stenda eir sch’el’s scüffla
e’s voul dar in tschert grand tün,
ün as volva e’s inpaissa:
Gurada qua che bel minchun
l dà sül muond a tuottavia
da bels utschels, che’s voula far,
ma cur ch’inscuntr’ün sün la via
am vain da rier da schloppar, hahaha ..
A blers Ia moda, la canaglia,
fa gnir sclavs e servituors
da sas glünas e chaprizis
na be damas eir signuors.
Els as fittan ed as glischan
per attrar l'admiraziun,
eir scha’ls oters be s‘impaissan:
«Uei che schimgias cha quels sun!»
Eir tar nus daj’ baps e mammas,
chi per oter ögls nun han,
co per Iur infants e dischan
müravagli’a que chi fan.
Ons davo pür s’dan da buonder
cha Iur Mengi’als muoss’ils daints
e lur puobs da tuotta spranza
sun dvantats duos drets armaints.
Da dar dal nas in tuot las chosas
tscherta glieud nu po laschar,
ma schi's tratta da far vaira
cha que chi dischan san eir far,
schi dvaintan pitschens ed as sgoban
e svanischan sco squilats.
Ma da quels disch ün proverbi:
«Blera baja e pochs fats!»
Blers han bains in abundanza
e munaida in mantuns,
s’crajan richs cun Iur richezzas,
ma sun povers avaruns,
mincha jà han mal il vainter
cur da spender han ün rap
fin ch’ün di ils mans as sfruschan
da ‘cordöli‘ ils relaschats! |