| lyric | Duos cheus ruduands
e duos quadrats
quels son parada sün placats.
Voiust tü savair perchè radschun,
voust tü savair perchè radschun?
In dumengi’ es elecziun!
No giain a far la cuvianza
e minchiin, bain cler, plain d’spranza!
Candidats be ils plü buns,
dal parti be ils chanuns!
ln Iündeschdi, mo che aspet,
sco schi’s vess vuglü far dispet,
cheus surcollats cun ün chülin
o ironia dal destin!
Scha quel chülin ruduond e tais
stat là plü bod, schi eu m’impais:
Tschert e sgüra eir cha quel
bainquantas vuschs vess fat eir el.
E be per dir tanter da no,
quai stuvaina bod dar pro,
’na prisa sal sill trat insus
fat vess il past bler plü gustus! |