| lyric | Mincha via, mincha senda
as preschainta hoz in flur,
sco ün spejel, cler as stenda
sur la val il tschêl azur,
sün la prad’ a la planiva
las mattans sün ün benket,
suot ün bös-ch star a sumbriva,
4, 5 o 6 o 7,
suot ün bös-ch star a sumbriva,
4, 5 o 6 o 7.
Am fond via plü daspera
sun eu stupefat da vair:
tuottas faivan bella tschera
straglüschivan dal plaschair.
Schoccas cotschnas, blusas d’saida
e bindels, che bel aspet ...
Da bütschar vess üna cuaida
4, 5 o 6 o 7, 4, 5 o 6 o 7 |