| first_line | T'inchüra giuvnetta adora l'aua dal Rom |
| lyric | T'inchüra giuvnetta adora l'aua dal Rom
chi chant’ e chi sbuorfla tant dutsch e tant lom
Davo la frus-chaglia s’badaintan ils mats.
E l’aua rabütta lur milli nardats.
Nun ir pro quell’aua chi glüsch’i’l sulai
e’t rend’in seis spejel plü bella co mai.
E tü nu vainst libra dal flüm instrià
e vainst inamurada e restast a là.
E chantast e güvlast cull’au' e cul vent:
A quia, be a quia pro’l Rom stuni jent. |
| language ISO 639 | roh = romansh / romonche, roman / romanisch / rumantsch grischun |
| protection © | domain public |