| lyric | Mengun' es ma marusa,
jeu l'am daspö büman
e dumandà per spusa,
la’ vess dalönch innan,
m’appaina ch’ün la tuocha,
disch’ la fa’m il plaschair
e cur cha driv l abuocha,
schi’m dischla ta taschair;
que es bain que,
chi’m dà turmaint
ma lura’m vaina adimaint
cha ma nonna dschair’ adüna
meis char Tumasch,
sül muond’s sto ir parüna,
sün terr’ amar la pasch.
Her saira l’inscuntretti
a bratschas cun Gion Grond,
tuot indegnà’m fermetti
varguogna bain la dschond.
Sün que Gion Grond s’as volva
disch: «Che hast pers tü qua?»
Ed ant co ch’jou’m risolva
’na schleppa el am dà.
Bod bod la daivi inavo
schi nu’m füss gni’n immaint darcho
cha ma nona dscheiv’adüna:
Meis char Tumasch!
sül muond s’sto ir parüna,
sün terr’amar la pasch!
Lascha passar las nozzas,
ilura’ls vôgl muossar
chi chi ha aint las chotschas
ed ha da cumandar!
Sül tschüvel sto ir Mengia,
jou nun incleg plü spass!
Ed a Gion Grond schi sgüra
ün di til plunti tras!
Ma forsa cha i’l m’impissar
amo pudess tils pardunar ...
cha ma nona dscheiv’adiina:
Meis char Tumasch!
sül muond s’sto ir parüna,
sün terr’amar la pasch! |