| lyric | Cur stun davant ma platta
e fetsch ün ou in painch
m’impars a mia matta,
ma chara mai nu schmainch,
e scha’s poss dar ün bun cussagl,
cussagl sun saimper buns,
scha mai ch’a vais d’avair ün puob,
lascha’l gnir cuschinunz.
Meis reginom la chadafö
e mi’armada ais:
padellas e paluottas,
curtels e fiers inglais.
Cun chazs ed eir cun chazs forats
e culs n’ha bler da far,
e lastras, planas, vierchels, plats
in guerr’am ston güdar. Tralala ...
E na be strüzlas e chapuns
e vaischlas saja far,
eir schoppas, mösas, maccaruns,
quai tuot sa preparar,
e sosas, cremas e puddings
ch’ognün chatt’excellents?
Beefsteaks, cotlettas e rostins,
insomma trats stupents. Tralala ...
Che Iais avair plü bel manster
co quel da cuschinar!
E scha nun eschat cots a dür,
radschun am stuvais dar!
Che! meidi e che advocat!
Magister? - o chantunz!
Scha mai ch’avais d’avair ün mat,
lascha’l gnir cuschinunz! |