| lyric | 1. Wänn euserein id Stadt gaht gits es Fäscht!
Dänn hauts de Heri nüd so bald is Näscht!
Dänn lat er sich nüd lumpe, will i hoffe,
sis Portmonee das isch de ganz Tag offe.
Mach tifig, Meitli, schick die Fläsche Wy!
Chasch au en Kafi ha und Treschter dry!
Im Niederdorf kännt me de Heiri allethalb
Jässodu! Jässodu!
Me verchaukt nüd jede Tag es Chalb!
Jässodu! Jässodu!
Me verchaukt nüd jede Tag es Chalb!
2. ’S ganz Jahr nu chrampfe tuet kein rächte Mänsch!
Au ich nüd, Meitli, wie de Heiri kännsch.
Er wär nüd guet für’s Härz und schlächt für d’Niere!
Zfrüeh rych sy? Nei. Me müesst sich ja scheniere.
Wer alles hät da Turscht? Ich zahl en Moscht,
und wänn’s uf ein Tätsch en Feufliber choscht!
Me könnt die Heiri als Schplendide allethalb
Jässodu! Jässodu!
Me verchaukt nüd jede Tag es Chalb!
Jässodu! Jässodu!
Me verchaukt nüd jede Tag es Chalb! |