| lyric | 1. Bündner Bärge, Heimaterde,
grüeni Matte, blaui See:
wie isch da e Pracht im werde,
üsi Heimat muess me gseh!
Wenn vom Chilchli d’Glogge klinge,
’s Echo tönt der Berge zue.
G’hörsch a Jutz, e Lied verklinge:
Alpefriede, Alperueh.
2. Fröhli sind mer fry da obe,
z’friede i der chline Wält.
Üse Herrgott tüend mer lobe,
är hät üs do ane gstellt.
Firneschnee und dunkli Schratte,
’s bruna Hüttli ob der Flueh.
Näbel ziend dur Tal und Matte
langsam üsne Berge zue.
3. Bärgbäch ghör i munter tose,
’s Täli us zieht lys der Föhn.
Edelwys und Alperose,
Bündnerland, wie bisch du schön.
Dur die Täler, grüeni Weise
lueget d’SUnne heiterdry.
’s Wandre tuet dir nid verleide
dur di Heimet do am Rhy. |