| lyric | 1. Herz, mis Herz, was tuescht no trure,
lueg, de Winter isch verby
euse Herrgott denkt a d’Bure,
drum schickt er eus Sunneschy.
Au im ängste Täli hinne
werdet d’Wiese wieder bunt
und i g’spüre i mir inne,
dass jetzt dänn für eus de Früehlig chunnt.
2. Uf de Berge tuets scho grüene,
s’Bächli ruschet über d’Flueh,
bald chan ich mit mine Chüene
au duruf de Berge zue.
Dobe uf de Felsezinne
will i singe froh dursunnt,
ja i g’spüres i mir innen,
dass jetzt dänn für eus de Früehlig chunnt.
3. Jutze g’hörscht uf allne Hügle
d’Bure reget flissig d’Händ,
d’Senne rüschtet sich zum Zügle
wils uf Dd’Alpe fahre wänd.
Schätzli säg was tuescht di b’sinne
häsch nöd planget uf die Stund?
G’spürscht nöd au im Herze inne,
dass jetzt dänn für eus de Früehlig chunnt. |