| lyric | Gwachsä uf dä hertä Steinä,
g’formt i tusigä vo Jahr,
putzt und gschliffä chenntisch meinä,
s’wär das suberscht Glas sogar.
Funklä tiot är i der Sunnä,
s’chund nes Wunder vor.
Gids ächt tief im Bodä unnä
us Krischtall es Himmelstor?
Grobi Zinggä fini Schpitzä,
luiter wienä klarä See,
schtraalä, glänzä, funklä, blitzä,
magsch nid gniog das Schpilli gseh!
Geschter isch us dunkler Aerdä
der Krischtall a d’Sunnä cho.
s’isch es Uiferstah, es Wärdä.
Liog nur rächt: Wirsch stil und froh!
Gäbs nid oi i üsrem Läbä
tuisig dertig glänzig Schtei?
Mengä siocht diä Schätz vergäbä
loifft verby a Huis und Hei.
Liebi, Fründschaft, scheeni Schtundä
und diä chlinä Freidä’n all.
Sioch! hesch gly es Stückli g’fundä.
Häb dr Freud, wiä am Krischtall! |