| lyric | O vus nouvs sains, scopo divin,
strasunai pür sur nos char Tschlin,
at clamar vlains aint in teis cour:
Sta sü, pür sü, meis auditur!
Sair’e daman annunzials,
a Dieu servir vain eri pretais,
dat lod e gloria per seis dun,
e quaist’ ais bella missiun.
Il di dal Segner s’apporssmand,
eir qua ma vusch at va clamand,
cha tü at vögliast preparar
d’ir vi pro el, teis Gesu char.
Eir mort vegn eu annunziand
ed al afossa blers clamand.
Eir qua nu saj’ oter che far,
co cumandar da segundar.
Nossa dimura sa nos Dieu,
ns’racumandain in il man sieu;
nus tuots insembel pür rovain:
Preerva’ns, Segner, d’accidaint.
O vus nouvs sains da cour tschantschais,
sco cha nus vain eir uoss’ imprais.
Finisch cun dir: O Segner char,
vögliast nus tuots in tschêl manar! |