| lyric | Sül muond ais sgür tuot vanità,
quant bod s’po tuot müdar,
sco cha’l seguaint cas ch’ais dvantà
que cler ans po mussar.
In l’an ottschient tschinquantases,
dal marz sesavel di,
cun admissiun da nos grand Deis
l’incendi ais segui..
In Spazi da duos uras fa
sun chasas tschientetrais
missas in tschendra quel di là,
baselgi’ e sains cumprais.
Sun emigrats ils abitants,
giand i’ls cumüns vicins,
cun larmas, grands suspürs e plants,
sco povers pelegrins.
Nos Dieu ha qua fat a savair
ch’el saja il patrun,
ch’inguot nu statt’in nos pudair
e cha tuot ais seis dun.
Però scha’l Segner ha vuglü
uschè greiv visitar,
schi dl’otra vart ha’l eir savü
ün grand agüd prestar.
Schi vain sgür quel ch’ha visità
danöv as bendir,
e vos cumün stat intschendrà
darcheu a far flurir.
E vöglia Dieu il tuotpussant
que eir verifichar,
alvand davent la larm’ e’l plant
e tuots vus cuntantar. |