| lyric | Suot ün bös-ch verdstan duos amants,
pigland cumgià faivan grands plants.
„In set ans fetsch il meis pisser
d’avair imprais il meis masnter.“
„Scha tü set ans stoust ir pel muond,
schi eu stun qua sün tai spettond.“
In tuot quel temp nun ha el mâ
dat nouvas, ingio’l s’vess chattà.
La giuvna bain as impissand
suot quel bös-ch verd giava cridand.
Qua gnit ün giuven a chavà,
la salüdand tuot charamaing.
„Eus un passà tras la cità
güsta quel di ch’el ha spusà.“
„Eu al giavüsch ch’el viva bain,
dal tschêl cha tuot il bön pervain.“
„Eu sun teis spus, teis amur char,
fin a l a mort at vögl amar.
Dieu detta eir in nossa chà
il bain ca tü hast giavüschà.“ |