| lyric | Al cumond es gni da Cuoira,
scha vu llauat maridar,
dat nonaunta renschs in dota,
scha vu lât sa cumpognar.
Sü, mia smattas, bun curaschi,
sa rizzai tottas ün bel hom,
nu guardai sün la richezza,
be ch’el haj’ün chapè d’strom.
Mo’s javüsch, o charas mattas,
mes cussegl da seguitar:
avaunt co ir aint in las traplas
dessat bain vu s’impissar.
Cur cha eschat sper la chüne
gniat suvent s suspürar:
O chai narra ch’jau sun statta
da vulair ma maridar!
S’maridar es be furtüna,
quai es be sco trar la sort,
s’maridar bain es la vita,
s’maridar mal es la mort. |