| lyric | Chi mâ ais quel famagl
chi leiv’ uschè manvagl
cunla staila dal sulagl?
Per marusa chi mâ ha’l?
L'ha üna bella matta
ma dal bap ha’ll’artà
bain üna pitschna dota,
be ün er chi rösas ha portà.
„Bella matta, voust am dar
üna rösa da teis er?“
„Madinà, que nu farà,
cha meis bap ha scumandà.“
„Nu voust dü ma spusa gnir?“
„Ant co quella eu dvantar
in ün gran am vögl mdar
ed in terr’am vögl zoppar.“
„Scha tü gnissast ün granet
ed in terr’at voust zoppar,
vögl eu gnir ün utschèet,
our dla terr’at less piclar.“
„Ün utschè sch atü voust gnir,
our dla terr’am voust piclar,
in chamuotsch am vögl müdar,
aint la cripla am ris-char,“
„Füssast tü ün chamuotschet,
in la crip’’at voust ris.char,
vögl eu esser chatschadret,
our dla sass’at vögl clappar.“
„Chatschadret scha tü voust gni
e dla sass’am vögl müdar
eu in rös’am vögl müdar
ed in plazza am plazzar.“
„Scha’üna rösa voust tü gnir
ed in plazza at plazzar,
ün cumprader vögl eu gnir,
tuot meis raps dess eu per at cumprar.“
„Scha cumprader voust tü gnir,
giò dla plazz’am voust cumprar,
in anglet m’vögl convertir
e sün tschêl am vögl retrar.“
„In anglet t’voust convertir
ed in tschêl tü voust entrar,
otr’anglet schi vögl eu gnir,
svess in tschêl at vögl branclar. |