| lyric | Cafè, cafè, roba d'odur buna,
chi dal sön am sdaisda our,
cur il cour ais agravo,
schi il cafè surleiv gi’il cho.
Vain dir mel bger sur da te
be da quels chi nu saun que,
tössi fin nomnan pelvair,
però eau he mieu grand plaschair.
Viv’il brastulin, brastulin legraivel,
viva il mulin plaschaivel,
viva eir las tazzas grandas,
viva quels chi quells aman!
Vus padellas s’allegrè,
cur cha vus buglis cafè,
comas, tolas, s’alllegrè,
cur cha mettan aint cafè.
Sduns d’argient eir, s’allegrè,
cur cha masdais il cafè.
Biscutins gnaron purtos,
aint il cafè per gnir bagnos.
Dal cafè vulains tschantscher,
cul cafè’ns vulains tratter,
cul cafè ans gratuler
cul cafè ans bavranter.
Chi chi quaista chanzun ho fat
ans declera pü inavaunt,
cur cha’l cafè vain brasso,
am passa vi tuot mel il cho. |