| lyric | Lueg ufe: der Winter
Isch uf und ervo,
Im SUnneschyn z’mizze
Jetz d’Vögeli fizze
Und pfyfenem noh.
2. Mach uf an dim Herzli
Au ’s Lädemli bald,
Und d’Sunne loß schyne
Dri ine, tief ine
in Hinterste Falt.
3. Wie wird’s gli so heiter
Im Kämmerli do!
’s lacht alles drin inne,
Me mueß si schier b’sinne,
Isch’s ’s vorig au no?
4. Feg’ d’Spinnpuppe-n-use,
Der Staub und der Rueß!
G’schwind mach di derhinter!
Der Winter, der Winter
Jetz bald use mueß.
5. Rum uf jetze! d’Sunne
Isch Meister im Hus,
Und was ihr in Weg stoht,
Wirf, wenn’s sunst kei Weg goht,
Zum Fensterli us! |