| lyric | Nus eschan gnüts dal Pol dal Süd
es as portain ün bel salüd.
Alb sco la naiv, nair sco’l charbun
es nos büschmaint tant chod e bun.
Ed uossa laina as muossar
tuot quai ch’ün dret pinguin sa far.
Tuots san sotar be sün ün pè
e quai guard’oura lur’uschè.
Aint illa schnuoglia giain jent
quai es alch flot cur chi dà vent.
Durmir savaina eir in pè
lapro ans insömgiain alch bê.
Squassar savain’eir nos chülin
insembel cun nos cheu perfin.
E tuot quai faina cun grond schlantsch
e vain dafatt’ imprais rumantsch.
Nus eschan gnüts dal Pol dal Süd
es as portain ün bel salüd. |